Shoqata Speleologjike Shqiptare është themeluar në vitin 2025 me vendimin nr. 7507 të Gjykatës së Shkallës së Parë të Juridiksionit të Përgjithshëm Tiranë, si një organizatë jofitimprurëse e dedikuar eksplorimit, studimit dhe mbrojtjes së mjedisit nëntokësor në Shqipëri si dhe krijimin e nje skuadre vullnetare kerkim - shpetimi. Misioni i shoqatës është të promovojë speleologjinë si një fushë shkencore dhe praktike, të nxisë kërkimin në shpella dhe sisteme karstike, si dhe të kontribuojë në ruajtjen e trashëgimisë natyrore dhe kulturore të vendit. Qëllimet e saj përfshijnë organizimin e ekspeditave eksploruese dhe shkencore, ofrimin e trajnimeve profesionale për speleologë dhe të apasionuar pas natyrës, rritjen e ndërgjegjësimit publik për rëndësinë e shpelleve dhe bashkëpunimin me institucione kombëtare e ndërkombëtare në fushat e kërkimit, edukimit dhe mbrojtjes së mjedisit. Shoqata është një hapësirë e hapur për studiues, eksplorues, natyralistë dhe vullnetarë që ndajnë pasionin për botën nëntokësore dhe dëshirën për të kontribuar në mënyrë aktive në njohjen dhe ruajtjen e saj.